María José Gil ven de
compartir con nós a súa experiencia en Brighton, Reino Unido, logo de participar
no IATEFL 2019 . Non deixes de ler esta entrevista. Grazas, María José!
Tipo de mobilidade: curso
de formación
Institución de
acollida: IATEFL
Duración: 4 días
Lugar: Brighton, Reino
Unido
Podes describir brevemente
en que consistiu a túa mobilidade?
Participei no LII Congreso Internacional de IATEFL,
a asociación internacional de profesores de inglés como lingua estranxeira, un
encontro de 4 días de duración e con máis de 500 actividades a elixir onde
profesores e investigadores intercambiamos información, experiencias e opinións
acerca do ensino deo inglés. Participei activamente en conferencias plenarias,
ponencias e obradoiros a través da toma de notas e fotografías para a súa
posterior documentación, formulando preguntas e colaborando con outros
participantes na realización de tarefas propostas nos obradoiros.
Que contidos foron os máis
relevantes para a túa práctica docente?
Entre os contidos tratados
ao longo do congreso, destacaría pola súa relevancia os seguintes: – O ensino
de inglés para fins académicos e específicos – A avaliación e certificación de
competencias – O fomento da autonomía na aprendizaxe – O teatro na aula de
idiomas – A imaxe como recurso -Técnicas para mellorar a comprensión oral e
escrita e a pronuncia – A importancia da motivación no ensino e na aprendizaxe
Todos os contidos tratados resultáronme útiles. Os contidos das conferencias
plenarias axudáronme a reflexionar acerca da miña realidade docente mentres que
a miña participación nos obradoiros e ponencias foi tremendamente inspiradora.
Cales foron os aspectos
máis positivos da experiencia?
A miña participación neste evento foi una
experiencia 100% positiva. Ademais de permitirme afondar nos achádegos máis
recentes no eido do ensino e aprendizaxe de inglés como lingua estranxeira, foi
una oportunidade única para coñecer a docentes e investigadores de diferentes
punto do planeta e de intercambiar con eles información e opinións acerca da
nosa profesión.
Como cres que podería
mellorar?
O congreso foi exemplar no
relativo á acollida, señalizacións, acceso e instalacións, temporalización e
puntualidade, trato e actividades culturais. A selección de temas e o deseño do
programa tamén foi impecable e incluso habilitaron unha aplicación informática
para planificar o noso aproveitamento do evento. Por iso, máis que destacar
aspectos a mellorar, gustaríame sinalar que a asistencia ao congreso foi una aprendizaxe
en sí mesma no que se refire a organización de eventos.
Cal prevés pode ser o
impacto da túa mobilidade na túa práctica docente e no centro?
Creo que moitas das
prácticas docentes que observei poden ser extrapolables ao noso día a día de
forma doada e que conducirían a unha melloría nos catro ámbitos do proxecto:
xestión, inclusión, innovación e internacionalización.
En xeral, que balance fas
desta mobilidade?
Moi satisfactorio
Estarías disposto/a a
participar noutra mobilidade dentro dun proxecto Erasmus+?
Sí
Que lles dirías a outros
profesores que están pensando solicitar unha mobilidade?
Animaríaos encarecidamente a participar neste tipo
de modalidades xa que constitúen unha experiencia moi enriquecedora a nivel
profesional e persoal. É unha oportunidade única de
coñecer novos sistemas e novas formas de traballar, de dar a coñecer á escola
de idiomas ao mundo e de reflexionar e buscar respostas conxuntas aos novos
retos no ensino e aprendizaxe de linguas.
Ningún comentario:
Publicar un comentario