A visita dos profesores portugueses na prensa

 O Xornal Escolar de La Región faise eco da visita Erasmus+ dos profesores de Agrupamento de Escolas de São Bruno, Alexandra, Ana, José e Silvia. Grazas pola difusión!

3ª xornada de estadía de observación e despedida

Hoxe foi a terceira e derradeira xornada da estadía de observación de Alexandra, Ana, José e Bruno, profesores do Agrupamento de Escolas Sao Bruno de Caixas, Portugal. De novo, a xornada estivo repleta de actividades: observación de aulas, exposición de proxectos con motivo da VII Semana das Ciencias e unha visita á Aula da Natureza do Concello de Ourense.

Ademais, Jose foi moi amable ao dar unha charla cultural aos alumnos de 3º da ESO sobre Caxias, a vila onde se atopa a súa unidade educativa.

Foi un pracer ter acollido aos catro estes días e agardamos seguir en contacto para poder colaborar en futuros proxectos educativos.

Muito obrigado e boa viagem!

2ª xornada de estadía de observación

 Hoxe foi unha xornada intensa para Alexandra, Ana, José e Silvia, que participaron en un bo número de actividades para coñecer o día a día no centro: unha entrevista coa orientadora sobre a inclusión e o benestar emocional, outra entrevista coa coordinadora de programas europeos sobre xestión de proxectos, participación en aulas de bioloxía, tecnoloxía, lingua e educación física nas que os alumnos lles amosaron os seus traballos.

Silvia, ademais, deu unha charla cultural aos alumnos de 2º de primaria, foi moi interesante e divertida! 

E Alexandra impartíu un divertido obradoiro de baile tradicional aos alumnos de 6º e 2º de primaria:

Muito obrigado!!

Visita de 4 profesores de Caxias, Portugal

Hoxe demos a benvida a Alexandra, Ana, José e Silvia, profesores da Escola Agrupada Sao Bruno de Caxias, Portugal, que están a facer unha visita de estudos no noso centro grazas ao seu proxecto Erasmus + “As claves do éxito na educación”.

A visita comezou cunha charla de benvida na que tratamos aspectos básicos da organización e do funcionamento do noso colexio, ao que lle seguíu un tour guiado polas dependencias. Ao longo da mañá tiveron a oportunidade de participar en varias actividades, que incluíron observación de aulas de primaria e ESO, unha sesión práctica no laboratorio de ciencias e un obradoiro sobre o uso das ferramentas dixitais no colexio. Grazas aos alumnos de 4º ESO-A e 3º ESO-A por amosarlles os vosos proxectos de investigación que levastes a cabo en historia!

E mesmo Ana deu unha charla sobre a cultura e tradicións do Portugal, muito obrigado, Ana!

Muito obrigado aos catro por teren escollido o noso colexio. Estamos encantados. Até amanhá!