ARRIVEDERCI TORINO!

Velaquí varias imaxes de última xornada da profesora Mª José Novo en Turín. Para rematar a súa estadía de observación no  Istituto Comprensivo Pacinotti, visitou a escola Boncompagni onde observou as clases de inglés de 1º e 3º cos profesores Giulia e Fabrizio.

Moitas grazas Mª José por compartir a túa estadía con nós! Desexando saber máis cando regreses! Boa viaxe de volta a casa!

COÑECENDO A SCHOLA MANZONI

Velaquí varias imaxes da xornada de hoxe xoves que Mª José Novo comparte con nós. Hoxe puido coñecer en profundidade o funcionamento e metodoloxías aplicadas na Schola Manzoni de Turín. Despois de visitar as aulas de Educación infantil, Mª José asistiu a un obradoiro sobre materiais educativos Montessori, unha metodoloxía moi empregada hoxe en día nos centros educativos italianos.

A xornada continuou cunha sesión de arte e de programación sen o uso de aparatos tecnolóxicos. Moi interesante!

A profe Mª José rematou a xornada de hoxe observando unha sesión de inglés no laboratorio de idiomas e unha sesión de teatro.

Menuda xornada tan interesante e intensa! Moitas grazas Mª José! Estamos desexando que saber máis sobre a túa estadía de observación en Turín!

INTENSA 3ª XORNADA PARA Mª JOSÉ NOVO EN TURÍN

Na xornada de hoxe a profesora Mª José Novo visitou a escola de primaria BONCOMPAGNI SCHOOL onde tivo unha intensa axenda.

Empezou a mañá observando unha clase de música para continuar despois cun entrenamento interactivo de baloncesto. Despois dunha pausa, foi a quenda para unha clase de música e poesía e unha clase intereactiva de idiomas. Para rematar a xornada, María José tivo a oportunidade de observar de primeira man como os alumnos deste centro traballan coa robótica usando Legos.

Moitas grazas , María José!

2ª xornada da profesora Mª José Novo en Turín

Velaquí varias imaxes da segunda xornada que a profesora Mª José Novo comparte con nós. No día de hoxe, a profesora de música de primaria e coordinadora de infantil do noso cole visitou as aulas de infantil e de Low primary do Istituto Comprensivo Pacinotti. Observou clases de música, de matemáticas e de inglés, todas elas moi interesantes.

Xa pola tarde, María José visitou o Museo Exipcio!

Moitas grazas por compartir, Mª José!

1ª xornada de estadía de observación da profesora Mª José Novo

Mª José Novo, coordinadora de Educación Infantil e mestra de música en Educación Primaria, vén de desfrutar da primeira xornada de estadía de observación no  Istituto Comprensivo Pacinotti en Turín, Italia.  Reencontrouse con mestras coñecidas como Mara, quen xunto con María Grazia, María, Ilenia e Valentina nos visitaron no curso pasado durante cinco intensos días.

Foi recibida por Franchesca, coordinadora dos Erasmus, quen lle presentou a membros do claustro docente. Ademais, visitou o Kindergarden e compartiu experiencias e unha intensa xornada coas profesoras de Educacion infantil.

Tamén tivo ocasión de desfrutar da marabillosa cidade de Turín e visitar vía Fossano con Mara e outras profesoras de Educación infantil.

Grazie mille, Mª José!