martes, 6 de setembro de 2022

Encontro Erasmus #DTICEQT en Londres

Rafael Durán, María José Gil e Felipe Iglesias, profesores de música, inglés e E.F, respectivamente están a participar nun encontro formativo de 2 días na Woodberry Down Community Primary School en Londres con escolas membros do proxecto Erasmus #DTICEQT coordinado pola Universade de Santiago de Compostela. 




Tanto hoxe como mañá terán a oportunidade de intercambiar as actividades levadas a cabo co alumnado durante o curso pasado e de reflexionar sobre os obxectivos, os logros e os retos do proxecto. Fai clic AQUÍ para ver os proxectos completados no noso colexio durante o curso 2021-22.









Have a great stay!


xoves, 16 de xuño de 2022

Exposición arte sobre a mitoloxía grega

Velaquí varias imaxes da exposición dos traballos sobre mitoloxía grega do alumnado de 1º da ESO, enmarcados no proxecto #DTICEQT a través dos que afondaron sobre esta materia ao tempo que puxeron en práctica o seu potencial creativo. Parabéns, rapaces! Podedes ver a expo no vestíbulo.








xoves, 19 de maio de 2022

Nova actividade #DTICEQT: Escape Room para repasar a mitoloxía grega

 Encántanos este escape room no que participou o alumnado de 1º da ESO como parte do proxecto Erasmus + #DTICEQT, unha forma lúdica de achegarse á mitoloxía clásica ao tempo que se activan competencias dixitais e estratéxicas. Parabéns, rapaces!

Queres xogar? Fai clic na imaxe!


luns, 9 de maio de 2022

Nova actividade #DTICEQT: a Arte Románica e a Arte Gótica

 O alumnado de 3º da ESO ven de completar unha actividade enmarcada no proxecto Erasmus + K226 #DTICEQT cuxo resultado é este lapbook sobre os rasgos que nos permiten diferenciar a arte románica da da arte gótica. Podédelo consultar na biblioteca da planta baixa. Velaquí un vídeo que recolle o proceso:










Parabéns, rapaces!

xoves, 5 de maio de 2022

Job shadowing Atenas: Día 3 e último

 Beatriz Nieto e María José Gil viaxaron hoxe a Nea Palatia, unha cidade costeira a 100km de Atenas, acompañadas de Rosa, asesora do CFR de Ourense, e dunha inspectora de educación grega para visitar 3 centros educativos: 2 de secundaria e 1 de primaria.




Ao longo da observación, puideron comprobar porque estes 3 centros son referencia de innovación e inclusión e descubrir que o enfoque metodolóxico é moi similar ao noso. Aprenderon tamén sobre a xestión de recursos humanos e materiais e comparten todas estas imaxes connosco:














Grazas ás dúas! Boa viaxe de volta!!

mércores, 4 de maio de 2022

Job shadowing Atenas: Día 2

 Velaquí varias imaxes da 2º xornada de estadía de observación de Beatriz Nieto e María José Gil en Atenas. Además de asistir e participar activamente en varias aulas, tiveron a oportunidade de entrevisarse con profesorado do centro para coñecer medidas concretas de atención á diversidade lingüística e cultural presente no seu centro.