Proxecto sobre Irlanda

A menos de 3 días para que comece a 10ª mobilidade do noso proxecto Erasmus +, os alumnos de 4º, 5º e 6º de primaria, supervisados polos seus titores Tamara, Carlos e María, veñen de completar un fantástico proxecto sobre Irlanda. Alí viaxará o sábado a coordinadora de infantil e directora do coro, María José Novo para participar nunha actividade de formación sobre a metodoloxía AICLE (en inglés CLIL), que promove o ensino e aprendizaxe de contidos nunha lingua estranxeira.

María José terá a oportunidade de visitar centros escolares diferentes partes de Irlanda, exportar e importar boas prácticas e establecer contacto para futuros proxectos de internacionalización. Ademáis, poderá mellorar a súa competencia en inglés para potenciar o plurilingüismo na nosa comunidade escolar e aprender estratexias para integrar o inglés no ensino da música.

Congratulations on your awesome work!

Entrevista a Tamara Silva sobre a súa estadía en Vizela

Logo da súa estadía en Vizela, Portugal, Tamara Silva comparte con nós a súa experiencia logo de visitar o Agrupamento de Escolas Infías. Obrigado, Tamara!

Institución de acollida: Basic and Secondary School Infias

1. Podes describir brevemente en que consistiu a túa mobilidade?

Observacion das sesións de Educacion Física na procura de novas metodoloxías ou propostas de mellora.

2. Que tipo de actividades levaches a cabo durante a mobilidade?

Actividades de observación nas aulas e posta en práctica de algunha sesión de educación física.

3. Que contidos foron os máis relevantes para a túa práctica docente?

Contidos de danza e de organizacion das sesions (temporalizacion) de educacion fisica.

4. Cales foron os aspectos máis positivos da experiencia?

A intrarelación con outros docentes da miña área e poder formar parte da marcha doutro centro docente diferente e moito maior.

5. Como cres que podería mellorar?

Maior comunicación previa coa coordinadora da escola en Vizela antes da mobilidade.

6. Cal prevés pode ser o impacto da túa mobilidade na túa práctica docente e no centro?

O impacto consistirá na explicación da miña experiencia aos meus compañeiros onde poden observar as diferenzas con respecto ao noso sistema e as diferenzas metolóxicas esistentes para posibles modificacions ou posta en práctica se o desexan.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

Sí

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Que é unha experiencia única, moi enriquecedora e satisfactoria.

Postcrossing desde Vizela

Antes de voltar da súa mobilidade en Vizela, Portugal, Tamara quere contribuír ao proxecto Postcrossing at Padre Feijoo-Zorelle enviando unha postal. Obrigado, Tamara! 

4º xornada en Vizela

Grazas Tamara por compartir cos peques de 5 anos a túa experiencia en Vizela e por amosarlles a cultura e tradicións do país veciño.

Para saber máis, visita o blog de 5 anos.

3ª xornada en Vizela

Logo dunha intensa xornada de observación de aulas de Educación Física no Agrupamento de Escolas Infias en Vizela, Tamara comparte a súa experiencia: familiarizouse con estratexias para aplicar o enfoque AICLE no ensino e aprendizaxe desta materia e comprobou in situ as vantaxes da danza na educación escolar, un arte que pode axudar a promover a autoconfianza, a socialización, a disciplina e o manexo da frustación.

Obrigado, Tamara!

2ª xornada en Vizela

Tamara comparte connosco a súa experiencia  no segundo día no Agrupamento de Escolas Infias en Vizela. Foi unha xornada de observación de aulas de Educación Física das que Tamara destaca as vantaxes a nivel físico e mental dos xogos populares e técnicas de integración de hixiene física e mental. Estamos desexando saber máis.

Obrigado Tamara!

Saudações de Vizela

Tamara comparte connosco varias imaxes da súa primeira xornada no Agrupamento de Escolas Infias de Vizela: logo de ser recibidas polo equipo directivo, intercambiou información e impresións coa coordinadora de programas internacionais do agrupamento e visitaron as dependencias dos centros. 

Tamén tivo a oportunidade de levar a cabo un obradoiro de baile tradicional galego no que afondaron nas semellanzas e diferenzas coa tradición lusa. En breve, enviará información desta actividade e do seu día a día na escola.

Obrigado pelo update, Tamara!

Boa viagem, Tamara!

Tamara Silva viaxa o domingo a Vizela, no norte de Portugal para participar nunha estadía de observación no Agrupamento de Escolas Infias de Vizela.

Ao longo de 5 días, Tamara terá a oportunidade de observar clases reais para analizar o seu enfoque pedagóxico e importar boas prácticas docentes. Ademais, entrevistarase con profesores para intercambiar información sobre a realidade educativa e sociocultural en Portugal e no noso país e para sentar as bases de futuros proxectos de colaboración.

Boa viagem!!

Os nosos embaixadores viaxan a Bruxelas!

Boas novas!

Os nosos alumnos embaixadores do Parlamento Europeo viaxarán a Bruxelas en novembro para visitar a sede desta institución como premio o seu labor ao longo de dous cursos académicos!

Mañá ás 17:45 horas teremos unha reunión coas familias para informar sobre as condicións da viaxe e os criterios de elixibilidade. A asistencia non é obrigatoria pero sí moi recomendable.

Podes atopar información detallada neste documento.

Parabéns, embaixadores!!