DE VISITA NA ESCOLA DE SÃO BRUNO

Na terceira xornada da súa estadía de observación en Portugal, a profe Laura visitou a escola de São Bruno onde pasou a mañá na aula STEM entre os proxectos que desenvolveron este curso e os que están desenvolvendo agora mesmo. Trátase dunha horta multisensorial ou como como eles a denominan " estación meteorolóxica" que conta con vario sensores para medir a temperatura, presión atmosférica, humidade do solo e a luz. Ademais, os alumnos empregan a impresora 3D para deseñar os cartaces da horta.

Obrigado, Laura! 

2ª xornada en Oeiras

Velaquí varias imaxes da 2ª xornada da profe Laura en Oeiras, na que visitou a parque temático Lourinhã Dino Park ubicado en Lourinhã como mester acompañante. Grazas a esta actividade, Laura puido coñecer de primeira man cómo se organizan as saídas didácticas con alumnado NEAE e a importancia que estas teñen para desenvolver as habilidades e relacións sociais.

Moitas grazas Laura por compartir a túa experiencia con nós!

1ª xornada da profe Laura en Oeiras

A titora de 4º de Primaria e mestra especialista en Audión e Linguaxe, Laura, comparte con nós varias imaxes da súa primeira xornada en Oeiras, Portugal, onde está a realizar unha estadía de observación no Agrupamento de  Escolas de Sao Bruno.

Hoxe foi un día intenso no que Laura coñeceu ó equipo do departamento de orientación. Tivo a oportunidade de descubrir con qué documentación traballan e cómo funciona a Educación Especial. Ademais, expuxéronlle os graos de concrecións curriculares que teñen e os casos máis relevantes. Todo foi moi interesante! 

Despois, Laura visitou o “jardim de infancia”, onde tivo a oportunidade de falar coa titora, quen lle explicou que traballan coa metodoloxía Montessori, e con dúas das tres terapeutas da fala que traballan neste agrupamento de escolas.

Grazas Laura por compartir a túa primeira xornada con nós e as túas palabras para describir esta estadía de observación: "Es una experiencia muy enriquecedora, han sido todos muy amables y dispuestos a enseñarme su metodología de trabajo."