Amosando publicacións coa etiqueta sostibilidade. Amosar todas as publicacións
Amosando publicacións coa etiqueta sostibilidade. Amosar todas as publicacións

venres, 6 de marzo de 2020

Formación impartida por Beatriz Temes no CFR de Ourense

Onte pola tarde Beatriz Temes impartíu un obradoiro no CFR de Ourense a profesores de diferentes centros da provincia acerca de como sacarlle partido a ferramentas online para potenciar non só a competencia dixital senón también competencias clave do noso proxecto e, por extensión, do noso PDE: a autonomía, a cooperación, o plurilingüismo e a innovación.






Tomando como partida o ben coñecido proxecto, Ciencia Activa, Beatriz amosou ferramentas, estratéxicas e técnicas que emprega cos seus alumnos para facelos protagonistas da súa aprendizaxe, que se torna, a súa vez, en máis significativa e permanente. E os docentes participantes, puideron aplicalo e resolver dúbidas!




Grazas, Bea!
Outro bo exemplo de sostibilidade do noso proxecto!

martes, 3 de marzo de 2020

Formación de Eva Pousa no IES Xesús Taboada Chivite

Eva Pousa, a nosa secretaria e membro da comisión Erasmus + do noso centro, ven de impartir tres sesións de formación no IES Xesús Taboada Chivite de Verín sobre a elaboración, difusión, impacto e beneficios dos proxectos Erasmus +. As sesións tiveron lugar o 23 de xaneiro, 4 de febreiro e 28 de febreiro e foron xestionadas polo CFR de Ourense.







Foron tres sesións intensas nas que Eva compartíu a nosa experiencia na detección das áreas de mellora do centro, a redacción dunha solicitude, na xestión dun proxecto no que se refire á difusión, impacto e avaliación e o uso das plataformas dispoñibles como School Education Gateway e Twinning para a busca de socios, a colaboración e a difusión dos resultados.
Moitas grazas Eva, toda unha mostra do impacto sostible dos nosos proxectos!

luns, 17 de decembro de 2018

Formación de Beatriz Nieto no CFR de Ourense

A coordinadora de programas europeos, Beatriz Nieto, ven de dar unha charla no Centro de Formación e Recursos para o profesorado de Ourense sobre os diferentes proxectos europeos que estamos a levar a cabo no colexio.



Ademais de amosar as iniciativas derivadas no noso proxecto Erasmus + e da nosa labor como Escola Embaixadora do Parlamento Europeo, Bea explicou os beneficios derivados destas accións: maior innovación por parte do profesorado (que se pon de manifesto en proxectos como Ciencia Activa ou Little Historiadores), maior autonomía por parte do alumnado e maior implicación das familias e maior inclusión da diferenza.






Grazas, Bea! De novo, unha mostra do impacto sostible do noso proxecto!

luns, 15 de xaneiro de 2018

Actividade formativa sobre o noso Plan de Desenvolvemento Europeo

A coordinadora do noso proxecto Erasmus +, Beatriz Nieto, participou como relatora nunhas xornadas de formación para o profesorado organizadas polo centro de formación e recursos (CFR) de Ourense o sábado pasado. Alí impartíu unha charla para dar a coñecer a posta en marcha de numerosos proxectos que fan do noso centro unha escola inclusiva, multicultural e plurilingüe tal e como se recolle no noso Plan de Desenvolvemento Europeo.



Con entusiasmo e de forma clara, Bea amosou os pormenores do noso proxecto Erasmus+, dos nosos proxectos eTwinning, do programa de Escolas Embaixadoras ao que pertencemos e o concurso Euroescola cuxa última edición vimos de gañar.





Grazas Bea por difundir o plan e ao CFR de Ourense por contribuír ao seu impacto!