Última xornada en París

Na última xornada do curso de formación de Beatriz Nieto en París, a nosa xefa destudos e os seus compañeiros presentaron os produtos finais da formación e recibiron os certificados que acreditan a súa participación nesta intensa experiencia.

Moitas grazas, Bea! Feliz viaxe de volta a casa!

Xornada sobre intelixencia artificial en París!

Qué é a intelixencia artificial? Todo ao que chamamos intelixencia artificial é realmente intelixencia artificial? Estas son dúas das moitas cuestións sobre as que a nosa xefa de estudos, Beatriz Nieto, xunto cos seus compañeiros de Turquía, Romanía, Italia, Alemaña e Estados Unidos reflexionaron na súa cuarta xornada en París antes de afondar no ChatGPT, un sistema de intelixencia artificial que responde a calquera pregunta que lle formulemos.

Moitas grazas por compartir, Bea!

Vimos de recibir esta fermosa postal de María José Gil, que, como sabedes, estivo a semana pasada en Praga nun curso sobre inclusión educativa con profesores checos, daneses, chipiotras e letóns.

Thanks a million, María!

Terceiro día en París!

Un día máis, Beatriz Nieto comparte con nós a súa xornada en París. Hoxe afondaron nun tema moi interesante: os algoritmos da Internet. Cómo inflúen na nosa vida a través de Internet? Quen os controla? Quen os crea? Con qué intención?

Logo de  traballar sobre algoritmos en redes socias e crear un, os participantes do curso debatiron sobre cómo empregar códigos e algoritmos nas aulas.

Menuda xornada!

2ª xornada de formación en Francia

 Velaquí varias imaxes da segunda xornada de formación de Beatriz Nieto en París. No día de hoxe, A nosa xefa de estudos, xunto cos seus compañeiros de curso, foi quen de deseñar e crear proxectos sobre a desinformación coa ferramenta Ted Ed ademais de coñecer outras apps educativas que de seguro serán moi útiles.

Moitas grazas, Bea, por compartir con nós a túa experiencia!

1ª xornada de Beatriz Nieto en París

Beatriz Nieto, a nosa xefa de estudos, comparte con nós varias imaxes do seu primeiro día de formación en París, onde a está a realizar un curso sobre competencia dixital organizado por Europass Teacher Academy.

No día de hoxe, ademais de presentar o noso colexio e o noso sistema educativo aos seus compañeiros de Turquía, Romanía, Italia, Alemaña e Estados Unidos,  traballaron sobre a desinformación na era da información e cómo detectar fake news.

Moitas grazas, Bea!

Última xornada en Praga de Mª José Gil

Hoxe rematou o curso sobre inclusión educativa que María José Gil realizou en Praga.  A través de tarefas colaborativas, María José foi quen de reflexionar sobre a importancia do teatro, das artes e das actividades transversais  para lograr a inclusión.

Moitas grazas Mª José por compartir a túa experiencia con nós! Boa viaxe de volta a casa!