Entrevista a Beatriz Temes sobre a súa estadía en Brunswick

Beatriz Temes comparte con nós a súa experiencia en Brunswick, Alemania, logo de facer unha estadía de observación na RealSchüle George-Eckert. Danke schön, Bea!

Institución de acollida: Realschule Georg-Eckert-StraBe (Braunschweig)

1. Podes describir brevemente en que consistiu a túa mobilidade?

Na observación durante unha semana da actividade escolar asistindo a vinte sesións de diferentes materias e integrándome no día a día do centro.

2. Que tipo de actividades levaches a cabo durante a mobilidade?

Asistir a clase de inglés, alemán, robótica, física e bioloxía. Observación da vida cotiá na escola. Participar co coro do profesorado. Colaborar ca profesora na materia de bioloxía.

3. Que contidos foron os máis relevantes para a túa práctica docente?

Os de bioloxía e as aproximacións metodolóxicas que empregan.

4. Cales foron os aspectos máis positivos da experiencia?

A realización profesional e persoal e tamén a mellora de miña competencia en inglés xa que esta foi a lingua vehicular ao longo da miña estadía.

5. Como cres que podería mellorar?

Adquirindo máis destrezas en inglés; agardo acadar o nivel C1 para sacarlle máis partido a este tipo de experiencias.

6. Cal prevés pode ser o impacto da túa mobilidade na túa práctica docente e no centro?

Transmitir e compartir experiencias e ideas, así como participar en futuros proxectos colaborativos.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

SI

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Que non o dubiden!!!

Entrevista a Quico Rodríguez sobre a súa estadía en Dublín

Quico Rguez. ven de compartir con nós a súa experiencia en Dublín logo de facer un curso de actualización lingüística para o profesorado. Thanks a lot, Quico!!

Institución de acollida: English Matters

1. Podes describir brevemente en que consistiu a túa mobilidade?

Participar nun curso de inglés B1 para profes europeos

2. Que tipo de actividades levaches a cabo durante a mobilidade?

Actividades para a mellora da fala, escoita, comprensión e expresión escrita en inglés para ser un usuario independente nun país de fala inglesa.

3. Que contidos foron os máis relevantes para a túa práctica docente?

Os que incentivaron a posta en practica do inglés como os proxectos de investigación en grupo.

4. Cales foron os aspectos máis positivos da experiencia?

A posta en práctica do idioma a interactuar con docentes doutros paises.

5. Como cres que podería mellorar?

Aumentando os días de estadía.

6. Cal prevés pode ser o impacto da túa mobilidade na túa práctica docente e no centro?

Un impacto positivo para a realización de actividades en inglés referidas a Irlanda.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

SI POR SUPOSTO. CONSIDERO QUE É MOI INTERESANTE

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Que se animen; é un antes e un despois na nosa formación!

Entrevista a Diego Iglesias sobre a súa estadía en Florencia

Diego Iglesias ven de compartir con nós a súa experiencia en Florencia logo de completar un curso sobre convivencia e resolución de conflitos na aula. Grazie mille, Diego!

Institución de acollida: Europass Teacher Academy

1. Podes describir brevemente en que consistiu a túa mobilidade?

Curso sobre xestión de conflictos, intelixencia emocional e prevención do bullying

2. Que tipo de actividades levaches a cabo durante a mobilidade?

Exposición, talleres e dinámicas sobre os contidos do curso

3. Que contidos foron os máis relevantes para a túa práctica docente?

A introdución de aspectos de intelixencia emocional na planificación de aula, nocións de psicoloxía positiva, comunicación non violenta, técnicas de xestión de conflitos, identificación de situacións de bullying

4. Cales foron os aspectos máis positivos da experiencia?

Tomar conciencia da importancia da intelixencia emocional no traballo con persoas en xeral e con nenos e adolescentes en particular, así como da necesidade dunha maior formación nestes aspectos para o profesorado. Ademais, o coñecementos de algunhas técnicas de psicoloxía positiva e linguaxe non violenta que, considero, teñen gran potencial para a práctica docente, así coma para a propia vida cotia

5. Como cres que podería mellorar?

Cunha maior duración do curso. Dada a complexidade dos contidos que se abordan, necesitan dunha maior posta en práctica para ser asimilados

6. Cal prevés pode ser o impacto da túa mobilidade na túa práctica docente e no centro?

Na reunión co claustro de profesores tratarei de transmitir as ideas principais do curso e, especialmente, concienciar sobre a importancia de considerar os aspectos emocionais na planificación das leccións e na xestión dos conflitos, que aplicarei tamén na miña práctica docente.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

Sí

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Que, na miña opinión, aínda que a planificación e organización ou a propia posta en práctica das actividades da mobilidade poidan preocupar por cuestións de tempo, inseguridade co idioma, etc., sempre son experiencias enriquecedoras e merecen a pena

Entrevista a María José Novo sobre a súa estadía en Dublín

María José Novo comparte con nós a súa experiencia logo da súa estadía en Dublín onde fixo un curso CLIL. Thanks a million, María José!

Institución de acollida: ENGLISH MATTERS

1. Podes describir brevemente en que consistiu a túa mobilidade?

Programme - Course CLIL in Dublin

2. Que tipo de actividades levaches a cabo durante a mobilidade?

Actividades formativas con clases teóricas e tamén actividades prácticas con recursos para  a miña tarefa docente.

3. Que contidos foron os máis relevantes para a túa práctica docente?

O mellor foron os recursos e actividades plantexadas para impartir a miña materia en inglés.

4. Cales foron os aspectos máis positivos da experiencia?

Ademáis da formación teórica e práctica é moi enriquecedor compartir experiencias con profesores doutros países europeos que traballan xa con esta medoloxía.

5. Como cres que podería mellorar?

O curso está moi ben plantexado e non teño nada que apuntar.

6. Cal prevés pode ser o impacto da túa mobilidade na túa práctica docente e no centro?

Sen dúbida, se a miña formación como docente mellora, eso reflíctese no meu traballo na aula e beneficia os meus alumnos. Ademáis, compartir a miña experiencia cos meus compañeiros é positivo para todos xa que podemos ver as realidades de outros docentes preocupados por mellorar no seu día a día.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

Sí, sen dúbida.

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Animarvos a participar porque é unha gran experiencia tanto a nivel profesional como persoal. Enriquece a nosa vida e nos da unha perspectiva distinta do noso traballo docente.

Entrevista a Tamara Silva sobre a súa estadía en Vizela

Logo da súa estadía en Vizela, Portugal, Tamara Silva comparte con nós a súa experiencia logo de visitar o Agrupamento de Escolas Infías. Obrigado, Tamara!

Institución de acollida: Basic and Secondary School Infias

1. Podes describir brevemente en que consistiu a túa mobilidade?

Observacion das sesións de Educacion Física na procura de novas metodoloxías ou propostas de mellora.

2. Que tipo de actividades levaches a cabo durante a mobilidade?

Actividades de observación nas aulas e posta en práctica de algunha sesión de educación física.

3. Que contidos foron os máis relevantes para a túa práctica docente?

Contidos de danza e de organizacion das sesions (temporalizacion) de educacion fisica.

4. Cales foron os aspectos máis positivos da experiencia?

A intrarelación con outros docentes da miña área e poder formar parte da marcha doutro centro docente diferente e moito maior.

5. Como cres que podería mellorar?

Maior comunicación previa coa coordinadora da escola en Vizela antes da mobilidade.

6. Cal prevés pode ser o impacto da túa mobilidade na túa práctica docente e no centro?

O impacto consistirá na explicación da miña experiencia aos meus compañeiros onde poden observar as diferenzas con respecto ao noso sistema e as diferenzas metolóxicas esistentes para posibles modificacions ou posta en práctica se o desexan.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

Sí

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Que é unha experiencia única, moi enriquecedora e satisfactoria.

Entrevista a Eva Pousa sobre a súa estadía en Helsinki

Eva Pousa ven de compartir con nós a súa experiencia en Helsinki logo de participar nunha visita estructurada a centros educativos fineses. Grazas, Eva!

Institución de acollida: English Matters. Structured course in Helsinki

1. Podes describir brevemente en que consistiu a túa mobilidade?

Durante a miña estadía na capital finlandesa asistín xunto con outros 120 profesores de 12 nacionalidades europeas a seminarios e talleres introdutorios sobre o sistema educativo do país e visitas a centros educativos de distintos niveis educativos.

2. Que tipo de actividades levaches a cabo durante a mobilidade?

Ademais de talleres e seminarios, que permiten crear redes de traballo con profesores doutras nacionalidades, o máis destacado foron as visitas a centros escolares. Alí tiven a oportunidade de coñecer de primeira man como funcionan e intentar descubrir cal é a clave do éxito do sistema educativo finés. Foi unha viaxe de descubrimento interesante.

Outra das actividades nas que participei foron as saídas culturais, moi ligadas a metodoloxía “Contexts4Content”.

3. Que contidos foron os máis relevantes para a túa práctica docente?

A aproximación a un sistema educativo do que levaba tempo querendo saber máis.

A aproximación a metodoloxía “Contexts4Content”.

4. Cales foron os aspectos máis positivos da experiencia?

Compartir experiencias con outros docentes europeos.

Aprender máis sobre o sistema educativo finés.

5. Como cres que podería mellorar?

O único punto negativo ou susceptible de mellora sería o tempo que pasamos nos centros. Creo que unha forma de mellorar esta experiencia sería cun job-shadowing.

6. Cal prevés pode ser o impacto da túa mobilidade na túa práctica docente e no centro?

Como membro do departamento de inglés, a miña práctica docente verase reforzada polas conexións establecidas con mestres e profesores de inglés de varios países europeos; o que repercutirá no centro.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

Si, aínda que penso que máis profesores deberían ter a oportunidade de desfutar dunha mobilidade.

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Adiante! Pode costar ó principio pero é enriquecedor e motivador.

Entrevista a María José Gil sobre a súa estadía en Crema

María José Gil ven de compartir con nós a súa experiencia en Crema, Italia, logo de participar nunha estadía de observación no Istituto de Instruzione Superiori Piero Safra. Non deixes de ler esta entrevista. 

Grazie tanti, María José!

Institución de acollida: Instituto P. Sraffa

1. Podes describir brevemente en que consistiu a túa mobilidade?

Estadía de observación con distintas actividades e workshops

2. Que tipo de actividades levaches a cabo durante a mobilidade?

Workshops, observación de clases, participación nas clases, visitas culturais...

3. Que contidos foron os máis relevantes para a túa práctica docente?

A observación das clases e os workshops.

4. Cales foron os aspectos máis positivos da experiencia?

Inmersión cultural, contrastar os puntos de vista como docentes dos nosos sistemas educativos, compartir ideas e conocer outra cultura e o seu enfoque da docencia.

5. Como cres que podería mellorar?

Máis tempo de estadía.

6. Cal prevés pode ser o impacto da túa mobilidade na túa práctica docente e no centro?

Ter un enfoque novo e máis amplo de como desarrollar as prácticas docentes, poder transmitir aos meus alumnos e compañeiros datos interesantes sobre outra cultura e o que me aportou coñecela de cerca así como a título personal me proporciona de novo ilusión polo meu traballo e por seguir aprendendo para ser mellor docente.

7. En xeral, que balance fas desta mobilidade?

Moi satisfactorio

Satisfactorio

8. Estarías disposto/a a participar noutra mobilidade dentro dun proxecto Erasmus+?

Por suposto, xa que é unha experiencia gratificante e única.

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Que non o pensen máis e se decidan porque é unha experiencia única e irrepetible que solamente ten cousas positivas tanto a nivel personal como profesional.

Entrevista a Beatriz Temes sobre a súa mobilidade en Dublín

Beatriz Temes ven de compartir con nós a súa experiencia en Dublín, Irlanda, logo de participar nunha visita de estudos estruturada a centros educativos en Irlanda. Non deixes de ler esta entrevista. Thanks a lot, Bea!

Institución de acollida: English matters

1. Podes describir brevemente en que consistiu a túa mobilidade?

Formación sobre a historia e o sistema educativo irlandés, visitas a diferentes colexios con profesorado de 16 países distintos e posta en común.

2. Que tipo de actividades levaches a cabo durante a mobilidade?

Asistir a charlas de formación sobre la educación en Irlanda no National College e nos centros visitados.

Visitas estructuradas a tres centros de características diferentes.

Interacción co profesorado e alumnado deses centros.

Interacción e dinámicas de grupo co profesorado participante no mesmo curso Erasmus+.

Excursións organizadas dentro do curso.

Realización dun traballo en grupo para posta en común sobre o aprendido e a súa repercusión. 

3. Que contidos foron os máis relevantes para a túa práctica docente?

Similitudes na metodoloxía e curriculum da materia de bioloxía.

A toma de ideas, por exemplo actividades de reciclaxe de plásticos que vimos nas visitas aos centros,  para empregar na clase cando sexa o estudio da morfoloxía das plantas.

4. Cales foron os aspectos máis positivos da experiencia?

A comparación ca realidade das aulas en Irlanda ca miña experiencia persoal.

Encantoume o contacto directo cos estudiantes e o profesorado irlandés no seu día a día.

Mellora da miña competencia lingüística en inglés.

Análise e intercambio de opinións sobre o característico do sistema educativo irlandés con outros compañeiros do curso de diferentes países europeos.

Dinámicas de grupo para a reflexión do aprendido no curso, intercambio de ideas e feed-back.

Posibilidades de establecer contactos con profesores de diferentes países para proxectos e colaboracións futuras.

Xa concretamos una colaboración de bioloxia para este mes de marzo cunha profesora de Letonia, e outra a través de e-twining.

5. Como cres que podería mellorar?

Sería bo que nunha semana se poideran visitar máis centros educativos.

6. Cal prevés pode ser o impacto da túa mobilidade na túa práctica docente e no centro?

Máis proxectos de colaboración con escolas doutros países de Europa na materia que imparto e noutras.

Contaxiar a gañas de seguir formándome e transmitir o aprendido ao alumnado e compañeiros.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

Si, por suposto. Estou desexando poder facelo de novo.

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Que é unha oportunidade única para abrir a mente, e actualizarnos no noso traballo e facelo dun xeito activo, unha mellora a nivel persoal e profesional.

Que no desaproveiten a oportunidade!

Entrevista a María José Novo sobre a súa estadía en Dublín

María José Novo ven de compartir con nós a súa experiencia en Dublín, Irlanda, logo de participar nun curso de actualización lingüística en inglés. Non deixes de ler esta entrevista. Thanks a lot, María José!

Institución de acollida: English Matters

1. Podes describir brevemente en que consistiu a túa mobilidade?

A miña mobilidade  consistió nun curso de actualización lingüística para mellorar as competencias na lingua inglesa.

2. Que tipo de actividades levaches a cabo durante a mobilidade?

Clases expositivas e de actividades e dinámicas para traballar os diferentes contidos do curso. As visitas  á  cidade, museos, monumentos, excursións...foron unha forma lúdica de aprender e mergullarme no idioma.

3. Que contidos foron os máis relevantes para a túa práctica docente?

Coñecer in situ a cultura irlandesa é a mellor forma de facer inmersión na lingua inglesa. Descubrir os seus costumes, monumentos, museos, lendas, comidas, tradicións, deportes, música, ...Unha visión  moi completa deste país.

Tamén resaltaría a importancia do traballo en equipo cos meus compañeiros para lograr un fin común e a posibilidade de realizar proxectos con outras escolas e profesores.

4. Cales foron os aspectos máis positivos da experiencia?

Foi unha experiencia moi positiva por darme a oportunidade de mellorar o meu nivel de inglés  pero sobre todo por compartir experiencias educativas con outros profesores de distintos lugares de Europa.

O traballo en equipo foi o máis enriquecedor a nivel persoal e profesional.

5. Como cres que podería mellorar?

A organización  do curso, temario e actividades estaban moi ben estruturadas. O profesorado e organizadores sempre atentos ás nosas necesidades. Nada negativo que sinalar.

6. Cal prevés pode ser o impacto da túa mobilidade na túa práctica docente e no centro?

Sen dúbida, puiden mellorar as miñas habilidades lingüísticas no uso do inglés en situacións cotiás e como medio de comunicación na aula especialmente na fluidez oral, vocabulario e pronuncia.  Este curso tamén axuda ao profesorado para mellorar o  inglés co fin de poder participar con maior soltura en cursos Erasmus +.

 Ademais o coñecemento sobre da cultura irlandesa permitirame transmitirlla aos meus alumnos e realizar proxectos sobre a mesma.

7. En xeral, que balance fas desta mobilidade?

Moi satisfactorio

8. Estarías disposto/a a participar noutra mobilidade dentro dun proxecto Erasmus+?

Sen dúbida

9. Recomendarías esta experiencia a outros profesores?

Por suposto

10. Que lles dirías a outros profesores que están pensando solicitar unha mobilidade?

Convidaría os meus compañeiros a vivir esta magnífica experiencia polos seus múltiples beneficios non só a nivel profesional senón tamén a nivel persoal. É realmente enriquecedor ver outros puntos de vista e descubrir que hai moitos compañeiros interesados, coma nós, pola mellora da educación. É unha experiencia inesquecible!

Entrevista a Beatriz Nieto sobre a súa estadía en Florencia

Beatriz Nieto ven de compartir con nós a súa experiencia en Florencia, Italia, logo de participar nun curso sobre inclusión educativa. Non deixes de ler esta entrevista. Grazie, Bea!

Tipo de mobilidade: curso de formación

Institución de acollida: Europass

Duración: 6 días

Lugar:

Podes describir brevemente en que consistiu a túa mobilidade?

Curso de formación para atender a alumnos con necesidades educativas especiais.

Que tipo de actividades levaches a cabo durante a mobilidade?

Xornadas de formación en diversos problemas e trastornos que o alumnado pode presentar en relación á aprendizaxe ou que interfira coa mesma. Tamén houbo seminarios e obradoiros prácticos durante os que os participantes intercambiamos experiencias e aplicamos o aprendido durante as xornadas.

Que contidos foron os máis relevantes para a túa práctica docente?

Todos os contidos do curso parécenme de vital importancia para o desenvolvemento da práctica docente. Detectar a problemática que pode padecer o noso alumnado e coñecer novas formas de tratala  é fundamental para acadar o éxito no proceso de ensino e aprendizaxe.

Cales foron os aspectos máis positivos da experiencia?

Os contidos e habilidades adquiridas, posto que na formación inicial do profesorado de Educación Secundaria non se afonda apenas neste senso. Foi moi enriquecedor descubrir como se atende a esta problemática en distintos países e como tamén a problemática en sí varía de país a país.

Como cres que podería mellorar?

Creo que a organización do curso e os contidos e actividades incluídas foron impecables.

Cal prevés pode ser o impacto da túa mobilidade na túa práctica docente e no centro?

Creo que nos axudará a identificar problemas na aprendizaxe dos nosos alumnos e, o máis importante, a proporcionarlles solucións adecuadas para cada caso.

En xeral, que balance fas desta mobilidade?

Moi satisfactorio

Estarías disposto/a a participar noutra mobilidade dentro dun proxecto Erasmus+?

Sí

Recomendarías esta experiencia a outros profesores?

Por suposto

Que lles dirías a outros profesores que están pensando solicitar unha mobilidade?

Que participar nunha mobilidade Erasmus, tanto en cursos de formación como en estancias de observación, brinda unha oportunidade incríble para adquirir novos coñecementos e habilidades, para mellorar e crecer profesionalmente, para achegarse a outros sistemas educativos da man de anfitrións e/ou compañeiros e para incrementar a nosa rede de contactos profesional.