A nosa directora, Beatriz Temes, ven de impartir unha charla ao claustro sobre o aprendido sobre CLIL no curso no que participou en Dublín o pasado mes de xuño e enmarcadono noso proxecto Erasmus Skills4Inclusion. Grazas Bea por afondar connosco en estratexias, técnicas e ferramentas útiles para levar a cabo unha integración eficaz de contidos e linguas estranxeiras en diferentes materias e en pautas para seguir a ser un centro plurilingüe.
María José Novo, coordinadora de infantil e mestra de música en primaria, impartíu unha interesante charla sobre a súa experiencia na estadía de observación Erasmus no Istituto Comprensivo Pacinotti en Turín, Italia, que tivo lugar o pasado no marco do noso proxecto Skills4Inclusion.
Grazas, Mª José, por compartir as boas prácticas de inclusión, innovación e xestión educativas que levan a cabo nese e noutros centros que visitaches. Para saber máis sobre esta mobilidade, fai clic AQUÍ.
Hoxe é un día especial no colexio! Como Escola Embaixadora do Parlamento Europeo, o 26 de setembro de cada ano celebramos o Día Europeo das Linguas, unha iniciativa do Consello de Europa para valorar a diversidade lingüística e cultural do noso continente. Hoxe en día en Europa fálanse máis de 200 linguas!
Visita o blog de Escola Embaixadora do Parlamento Europeo para ver como celebramos esta conmemoración.
Laura Velasco, profesora de primaria e especialista en audición e linguaxe, ven de compartir co claustro a súa experiencia na mobilidade Erasmus en Oeiras, Portugal, logo da estadía de observación no Agrupamento de Escolas Sao Bruno o pasado mes de maio.
Grazas, Laura, por expor de forma tan clara e precisa as boas prácticas de inclusión e innovación educativa que se levan a cabo alí e que xa comezamos a importar coa posta en marcha do Recuncho TEACCH en 4º de primaria.
Chus Corral, Carmen García, María José Gil e Quico Rodríguez veñen de presentar ao claustro a súa excelente experiencia na mobilidade co alumnado de 3º da ESO ao Agrupamento de Escolas de Barcelos, Portugal, enmarcada no noso proxecto Erasmus Skills4Inclusion.
Podes consultar o día a día desta mobilidade nesta ligazón.
Velaquí varias imaxes da charla informativa impartida por María José Gil logo da súa mobilidade en Praga o pasado mes de abril para asistir a un curso sobre inclusión educativa enmarcado no proxecto Erasmus Skills4Inclusion.
María José compartíu os principios do Deseño Universal para a Aprendizaxe e as pautas derivadas para atender ás necesidades de todos e cada un dos nosos alumnos. E incluso exemplos prácticos de como seleccionou e aplicou algúns dos mesmos na súa aula.
Thanks a million, María!
A nosa xefa de estudos, Beatriz Nieto, ven de compartir con nós a súa experiencia no curso Essential Skills for the Digital Age que tivo lugar en París o pasado mes de abril e que está enmarcado no proxecto Erasmus Skills4Inclusion.
Ademais de repasar as normas de netiqueta con esta presentación elaborada polo seu alumnado, explicou os retos, as oportunidades e as ameazas que trae consigo a Intelixencia Artificial na educación así como ferramentas dixitais que podemos usar na práctica docente para ofrecer oportunidades de aprendizaxe a todo o alumnado.
Podes consultar a súa presentación sobre Intelixencia Artifical na educación aquí.
Grazas, Bea, por unha charla moi inspiradora!