O alumnado de 4º da ESO continúa a súa mobilidade Erasmus+ en Peniche, Portugal, xunto co profesorado Beatriz Nieto e Diego Iglesias, no Agrupamento de Escolas Dom Luís de Ataíde.
A segunda xornada estivo centrada na sustentabilidade e no coñecemento da contorna natural da costa portuguesa. Durante a mañá participaron nunha actividade de limpeza da praia organizada en colaboración con Ocean Patrol, unha iniciativa de sensibilización medioambiental que lles permitiu reflexionar sobre a importancia de coidar os océanos e reducir a contaminación mariña.
Ademais, realizaron unha visita ás dunas da zona para observar a flora autóctona e coñecer mellor os ecosistemas costeiros, aprendendo sobre a importancia da súa conservación e do equilibrio natural deste espazo privilexiado 🌿🌊
Pola tarde, o alumnado visitou a vila mariñeira de Baleal, un dos lugares máis coñecidos da zona pola súa beleza natural e a súa relación co mar. A xornada rematou cunha degustación da gastronomía típica portuguesa, na que puideron probar un dos pratos máis tradicionais: o delicioso bacallau con natas 🇵🇹🍽️
Está sendo unha experiencia moi enriquecedora, chea de aprendizaxes, convivencia e descubrimento da cultura portuguesa.
Ningún comentario:
Publicar un comentario