Velaquí varias imaxes da segunda xornada de formación de Beatriz Nieto en París. No día de hoxe, A nosa xefa de estudos, xunto cos seus compañeiros de curso, foi quen de deseñar e crear proxectos sobre a desinformación coa ferramenta Ted Ed ademais de coñecer outras apps educativas que de seguro serán moi útiles.
Moitas grazas, Bea, por compartir con nós a túa experiencia!
Beatriz Nieto, a nosa xefa de estudos, comparte con nós varias imaxes do seu primeiro día de formación en París, onde a está a realizar un curso sobre competencia dixital organizado por Europass Teacher Academy.
No día de hoxe, ademais de presentar o noso colexio e o noso sistema educativo aos seus compañeiros de Turquía, Romanía, Italia, Alemaña e Estados Unidos, traballaron sobre a desinformación na era da información e cómo detectar fake news.
Moitas grazas, Bea!
Hoxe rematou o curso sobre inclusión educativa que María José Gil realizou en Praga. A través de tarefas colaborativas, María José foi quen de reflexionar sobre a importancia do teatro, das artes e das actividades transversais para lograr a inclusión.
Moitas grazas Mª José por compartir a túa experiencia con nós! Boa viaxe de volta a casa!
Velaquí varias imaxes da 4ª xornada da nosa teacher Mª José en Praga na que puido coñecer da man dos seus compañeiros checos a sistema educativo do seu país. Ademais, afondaron na aprendizaxe baseada en proxectos e en tarefas e en cómo adaptar o currículo para que unha clase sexa realmente inclusiva.
A 3ª xornada de Mª José Gil en Praga xirou en torno ao desenvolvemento psicosocial do alumnado e á importancia de crear un clima de aprendizaxe positivo na escola.
Ademais, os profesores checos, daneses, chipiotras e letóns coñeceron o noso colexio grazas a unha interesante e completa presentación da nosa teacher!
Moitas grazas Mª José compartir a túa experiencia con nós!
Velaquí varias imaxes da 2ª xornada do curso sobre inclusión educativa que María José Gil está a realizar en Praga. As actividades de hoxe xiraron en torno á comunicación non violenta. Despois de reflexionar sobre cómo lidiar con conflitos, métodos comunicativos e a educación en valores e moral, a nosa teacher Mª José afondou, xunto cos seus compañeiros de curso, na avaliación do alumnado e cómo proporcionar feedback axeitado tendo en conta as características de cada alumno.
¡Unha xornada moi interesante!
María José Gil comparte con nós a súa experiencia no 1º día de formación en Praga, unha xornada interesante na que, xunto con profesores da República Checa, Dinamarca, Chipre e Letonia afondaron sobre as diferenzas entre integración e inclusión, aprenderon técnicas e estratexias para identificar factores de risco de exclusión no alumnado.
Ademais, xunto cos outros profesores participantes no curso desfrutou dunha visita guiada pola fascinante cidade de Praga.
¡Estamos desexando saber máis! ¡Grazas, María José!
