Continuamos coa segunda xornada desta visita do programa Erasmus, na que participamos xunto a dúas profesoras e oito alumnos e alumnas dun instituto de educación secundaria de Módica (Italia).
Ao longo do día, o alumnado visitante asistiu a unha clase de Bioloxía, onde puido comprobar como funciona o proxecto Ciencia Activa. Ademais, revisaron contidos desta materia de 3º da ESO dunha maneira moi lúdica, a través dun rosco tipo Pasapalabra en italiano.
Tamén tiveron a oportunidade de observar unha aula de arte grego, coñecendo outras áreas do noso traballo educativo.
Por outra banda, foron recibidos no Concello de Ourense pola Concellería de Educación, a quen agradecemos a súa acollida.
Seguimos compartindo experiencias!
Ningún comentario:
Publicar un comentario