Buon viaggio, Diego!

Diego Iglesias viaxará este domingo a Florencia para participar nun evento formativo dirixido a profesores de centros educativos de toda Europa. Ao longo de 6 días, Diego terá a oportunidade de aprender estratexias e medidas de inclusión e importar boas prácticas de atención á diversidade. Ademais, entrevistaráse con profesores de diferentes países para intercambiar información sobre a súa realidade educativa e sociocultural e para sentar as bases de futuros proxectos de colaboración.

Estamos atentos, Diego!

Buon viaggio!!

Proxecto sobre Florencia

A menos de 3 días para que comece a 11ª mobilidade do noso proxecto Erasmus +, os alumnos de 3º de ESO-A, supervisados pola súa profesora Chus Corral, veñen de facer una fantástica exposición sobre unha cidade excepcional, Florencia. Alí viaxará o domingo Diego Iglesias para participar nun curso de inclusión educativa no que poderá familiarizarse co sistema educativo italiano e apender estratexias e técnicas para atender con eficacia ás necesidades dos alumnos.

Grazie mille, ragazzi!!

A mobilidade en Dublín na prensa

O Xornal Escolar de La Región faise eco da mobilidade de María José Novo en Dublín sobre a metodoloxía AICLE e de como os alumnos que elaboraron o proxecto sobre Irlanda descubriron grazas a María José moitos detalles interesantes da cultura e tradicións deste país.

Grazas pola difusión!

Discovering Ireland

Os peques de infantil descubren a cultura e tradicións de Irlanda logo da estadía en Dublín da súa titora, María José Novo que, como recordaredes, fixo un curso sobre a metodoloxía AICLE (Aprendizaxe Integrado de Contidos e Linguas Estranxeiras) o pasado novembro.

Ademais de estar en contacto a través de vídeos durante a estadía, María José compartíu libros, folletos e pósters sobre lugares de interés, celebridades, gastronomía e natureza.

Thanks, María José! We love Ireland!

Para saber máis, visita o blog da clase de 5 anos.

Charla sobre a estadía en Dublín aos alumnos de primaria

Logo da súa estadía en Dublín o pasado mes de novembro, María José Novo compartíu a súa experiencia cos alumnos de 4º e 5º de primaria, encargados de elaborar un mini-proxecto sobre Irlanda antes desta mobilidade.

María José amosoulles vídeos e imaxes da súa estadía en Dublín e explicoulles en inglés os instrumentos tradicionais deste país, a súa historia e influencia.

Grazas Marñia José por unha charla excepcional!

Estamos a preparar un novo proxecto!

Eva Pousa, a nosa secretaria, acudíu hoxe a Santiago de Compostela para participar nun obradoiro impartido por dona María Luz Ares Fandiño, asesora e coordinadora de Programas europeos e eTwinning, para familiarizarse coas novidades da convocatoria de proxectos Erasmus + KA1 de mobilidade para o profesorado.

Manterémosvos informados!

Grazas a Consellería de Educación, Universidade e Formación Profesional por esta axuda!

Os nosos proxectos europeos na prensa!

Non deixedes de ler esta reportaxe no Xornal Escolar de La Región que da conta dos proxectos de internacionialización que estamos a levar a cabo. Ademais do programa Erasmus +, faise eco do programa Escolas Embaixadoras do Parlamento Europeo e do proxecto Postcrossing.

Grazas pola difusión!